Longines⏳️ 交流討論區

我都有隻懷改

將官底睇下獎牌,路易針

Longines collection Shareing:

我收藏Longines既路向會根據吾同有趣既歷史或特色而隨緣去入手，其中最有趣之一莫過於可以用太陽來測方位既神奇功能腕錶！好高興因為早前係錶聚分享過呢款錶後仲令一位專業收藏家Howard都入手左同款，我地更相約交流下影左幾張好澎湃既開箱圖，係呢到同大家好物共享，希望令更多人感受Longines既魅力°

Longines Columbus Compass係1992年為紀念航海冒險家哥倫布發現美洲大陸500年而推出設計最奇幻既錶款。眾所周知，Longines最出名做歷史級既復刻呈現 ，但呢款充滿特殊歷史氣息竟然吾屬於Heritage，而係完全原創既Flagship Collection，以極小品牌採用既古代航海主題完美配合上用日規以太陽影子來探索方位既設計，令整個品牌更充滿考古同探索性既吸引力。

最精彩係隨錶附件有兩樣極神秘既配件，分別係紅桃木既收納錶盒，盒上用上錶背同樣最代表性既“指揮官主艦”圖章及限量號碼，而最令人吸引係配上刻劃限量號碼既“指揮官主艦”玻璃藝術擺設(Longines192年歷史上只有兩款手錶附有主題模型擺設)，當拎起玻璃雕塑欣賞時，極有魔盜王劇情中積克船長手上手持被玻璃樽封印起“黑珍珠號”名場面既感覺，完全呈現到充滿奇幻大航海時代既激情同浪漫，亦體現到哥倫布發現新大陸既探索精神，相信帶住佢找尋探索屬於自己既One Piece！再加上相關既證書紀念，整体絕對係誠意傑作，絕對值得收藏

設計方面擁有探索海上位置既司南功能，原理係航海時可以利用太陽同水平線夾腳來決定自己既方向。極具古代兵器元素既烤藍鋼刀形時分針外，最特別係第三枝紅色太陽針(Sun Hand)同藍刀時分針有強烈既視覺配襯效果，當太陽紅針每24小時運轉一周，需要檢察方向就先將手錶水平放置，用太陽紅針對準太陽穿過12點位中線就係南北向， 半圓日規尺可以豎起，360度錶圈可以做影桿，將手錶水平放置後，留意當陽光日照角度係影桿上既投影與時針重疊，而時針指示刻度同12點刻度搭正中間就係南方（北半球）；錶冠拉一格可以將太陽紅針進行左右正負20度左右調整，以應對冬夏令時誤差，非常有野外定向既體驗，令錶盤層次更精彩，皮帶配襯方面用上Longines 90年代採用既稀有蜥蜴皮(受惠90年代Longines曾短時間在日本進軍稀有皮皮具市場)，每一條蜥蜴皮紋路均有特色，有不均點狀或直紋排行，手感舒適度比常規牛或鱷魚皮更佳，縫線車工一流，而蜥蜴皮亦呼應出哥倫布發現南美洲新大陸時見到特有熱帶生物。

但有一點我認為美中不足既係無秒針，如果加入秒針或小秒針，或甚係秒針再加上特色既設計，例如飛翼就會更有玩味性，希望官方既Heritage會有一日再復刻呢隻咁好玩主題既手錶。

特別一提呢款錶既零魂所在於背蓋，沿用Flagship既經典傳承，係中央鑲嵌18K金立體圖章，描繪著象徵一艘係生動既藍色琺瑯海面上，全帆航行探索既卡拉維爾船，栩栩如生極為精美。1957年推出既Flagship旗艦系列，係Longines旗下最古老既系列之一，意思係艦隊中既指揮官主艦上既旗幟係旗艦上隨風飄揚。 稱號充滿征服意味Flagship旗艦系列，自1950年代後便成Longines以飛翼沙漏為商標品牌最重要既作品系列，錶款歷年亦深受女性顧客的青睞，過往為慶祝Flagship旗艦系列誕生60周年時，更聯同品牌形象大使“鐵達尼號女主角”Kate Winslet 合作，設計限量版錶款。

而2024年最新推出Flagship Heritage Moonphase，新增搭載月相顯示功能，致敬因為航海需求而衍生月相功能及向歷史上的Flagship錶款，一共六種顏色，特別推薦係象牙白及棕綠，歡迎來臨銅鑼Fashion Walk Boutique來體驗Longines既復刻古典魅力⚓️

筆者:Longines Collector: F.P.Kenshin (方平)
*鳴謝及賀喜Howard提供新入手既Columbus拍攝//

好多人會好奇Longines Zulu Time點解呢幾年會係全球咁受歡迎，更成為入坑Longines飛行錶既首選，因為Zulu Time即航空術語兩地時區既意思，除左致敬1925年開發既雙時間腕錶，最為重要既係品牌於鐘錶發展史既創舉，Longines正係歷史上全球首個推出顯示兩地時區腕錶既品牌。

Longines 喺硏製唔同時區顯示腕錶技術擁有超過100年嘅專業知識及技術。 Longines既兩地時區計時器方面嘅歷史可以追溯到更遠嘅地方，就係1908年為奧斯曼帝國（今日被稱為土耳其國家，或者最近嘅土耳其）嘅客戶開發嘅一款懷錶，呢隻懷錶有獨立嘅指針可以展示 法國時間同土耳其時間同時進行，呢個創新係Longins喺1911年申請咗專利。1930年代及以後繼續開發雙時間機制，包括 1931年，赫爾頓喺佢由美國飛日本嘅歷史性飛行中使用嘅儀表板鐘；呢個裝置有雙針，可以用鐘同分鐘，而Longines後來同海軍上將同導航工具發明家溫氏(Weems)將軍合作 雙時間錶，呢個創舉更令促使Longines隨後同 Weems 嘅得意門生林白(Lindbergh)合作，創作人類史上對導航計時最出名嘅貢獻“ Lindbergh Hour Angle ”。

The Turkish Watches
用於土耳其時間和西方時間之間轉換。於1911年獲得「雙分針和時針」技術專利。

1925年LONGINES Zulu腕錶
首款備第二時區顯示的腕錶，備有附加時針。錶盤上印上代表Zulu時間的Z標誌。

Longines喺1911年為呢項技術申請咗專利（ Montre turque à deux tours d ’ heures ），隨後喺1918年申請咗第二項專利（ Montre à double cadran ）。

Spirit Zulu Time 腕錶，最大特色係具有多個時區顯示，當第二時區顯示指針配合24小時時刻雙向轉動錶圈及讀取第三時區時間新錶嘅設計靈感來自品牌喺。 1925年製造嘅首款兩地時區腕錶，錶盤上印有字母「 Z 」，代表住 Zulu Time （世界標準時間），航空界及軍事中至今仍然沿用呢種通用時間格式。

LONGINES 研製唔同時區顯示腕錶嘅技術已經超過100年，喺今次新作上更應用先進技術。腕錶配備嘅全新獨家矽游絲機芯（ L844.4），可獨立調校跳時時針，輕鬆調校。 校時間時區顯示同時唔會影響分針同秒針嘅運作。機芯擁有72小時動力儲存，通過 COSC 天文台認證，錶面上鑲有五枚。 星星，象徵腕錶擁有最高等級嘅機芯質量及可靠性。要讀取第三時區時間，只需將第二時區顯示指針配合24小時時刻雙向轉動錶圈，操作簡易。

Zulu Time 系列一共有十四種款式（其中兩種為聯名限量版： Hodinkee 及 Wempe ），42及39毫米精鋼錶殼搭黑色、綠色、藍色、18K 金、黑灰雙色鈦金屬版本等配合陶瓷 材質。錶圈，錶盤備有啞光黑色、噴砂炭灰色或藍色太陽放射紋等設計，日期顯示設於6時位置指針同數字刻度加有。 Super-LumiNova ®夜光塗層，方便喺任何情況下清楚讀取時間。錶帶款式亦呼應唔同配色嘅錶盤設計。

我個人排位就最鐘意綠,Hodinkee版本同黑金皮帶👍🏻

大家又覺得邊隻色最好睇呢?

要數Longines最引人注目既飛航錶實在太多，而設計最特別一定係Avigation Watch Type A-7，結合「 Aviation 航空」同「 Navigation 導航」兩個字嘅意義，復刻自1935年代嘅一款飛行表，同時亦係Longines為美國空軍所打造嘅腕錶。 事實上，要被冠上 Type A-7呢個名亦唔係咁容易，因為 Type A-7意指係空軍飛行表嘅規格，而且要能夠作為備用計時器以及簡單嘅導航天文表。 另外，表款仲需要通過官方對於精準度、耐用度以及視讀嘅清晰度等要求，先可以冠上 Type A-7嘅規格。

呢款 Avigation Type A-7(41mm)嘅原型係參考咗A-7 1935型(49mm)，當時開發係基於Longines同Meylan喺1930年代生產嘅真正單掣計時碼錶，並只供應美國陸軍空軍。最吸引絕對係傾斜大約45度嘅Dail，Longines當初係為咗飛行員戴表需求特別設計，而呢種設計嘅好處係當飛行駕駛員正喺駕駛飛機時，佢可以一隻手保持駕駛飛機，另一隻手唔需要協助同刻意擰頭就可以睇清楚時間，而且無論教堂針同字體都好原味咁將Type A-7既精髓再穿越呈現，係現今帶錶吾係主要睇時間反而用於加強社交手腕效果下，呢款咁特別外型既軍錶一定為佩戴者帶來更多話題同注目禮！

1880年代

Longines商標註冊

1880年5月10日，Longines喺瑞士正式成為歷史上第一個鐘錶註冊商標，係瑞士製錶業中歷史最為悠久嘅商標。 1889年5月27日下午4點，Longines嘅飛翼沙漏商標首先喺伯恩嘅產品知識產權局註冊，專利證號碼2684。 自此飛翼沙漏成為Longines嘅象徵。 最初，Longines選擇飛翼沙漏做商標係為咗對公司生產嘅產品進行識別鑑定，之後佢好快就變成咗同偽造者鬥爭嘅利器。 呢個註冊同1889年嘅標誌，已經成為Longines發展同建設中不可或缺嘅一部分，同佢輝煌榮耀嘅製表傳統一齊發展並沿用至今。

1867年，弗蘭西昂以新工廠所在地嘅名稱Les Longines將品牌命名為「Longines」，並選用代表“超越時間極限”既飛翼沙漏商標聞名於世。 由Longines開始標識佢嘅產品開始，呢個標誌就幾經設計調整，但直至今日仍然使用。

大家又最鐘意邊個年份既Logo呢？

1867年，Longines嘅首枚機芯 L20A 正式投入生產。 當時以鎖匙上鏈嘅機芯仍然係市場主導，而 L20A 則突破性地採用咗以錶冠操控嘅槓桿原理設計。 同年，喺巴黎舉行嘅世界博覽會上，弗蘭西昂親自展示咗Longines嘅首枚機芯，並憑此創舉榮獲榮譽銅牌。

1885年，Longines喺安特衛普嘅國際展覽中贏取第一個獎項。 接着更喺多個城市獲得一連串享譽國際嘅殊榮，包括：1897年喺布魯塞爾、1889年、1900年及1925年喺巴黎、1906年喺米蘭、1914年 喺意大利嘅熱那亞及同年喺瑞士伯恩、1926年喺費城及1929年喺巴塞羅那，Longines先後獲得10次格蘭披治大獎嘅記錄及28次 “Medailles d’Or” 殊榮嘅佳績，從未有其他製表商可以同佢媲美。

1885年到1929年巴塞羅那展覽，Longines喺國際同世界博覽會上先後獲得十次以上嘅 Grand Prix 大獎。
1890年代為世界頂級運動賽事合作
1896年Longines嘅19CH 精密計時器首次為喺希臘雅典舉辦嘅第一屆國際型運動會上用作官方時計。

1896年，Longines嘅19CH 精密計時器成為歷史上喺希臘雅典舉辦嘅第一屆奧運會上用作官方時計，亦充分印證琴Longines當年係世界上精密計時既皇者地位。